ಪ್ರೇಮವೆಂದರೆ

ಪರಿವೆಯಿಲ್ಲದೆ ಹರಿವ ನದಿ,

ನಿರಂತರ ನುಗ್ಗುವ ಹಸಿವು,
ಹೆಸರಿಲ್ಲದ ಹೆಜ್ಜೆಗೆ ಹಂಗಿನ ಭಯವಿಲ್ಲ.

ಗಾಳಿಯಂತೆ ಗೋಚರಿಸದ ಗಾನ,
ಹಿಡಿಯಲಾಗದ ಅನುಭವ,
ಹೃದಯವನ್ನು ಹಿಡಿಯುವ ಶಕ್ತಿ.

ಪ್ರೇಮವೆಂದರೆ
ಬದುಕಿನ ಬೆಳಕಿಗೆ ದಾರಿದೀಪ,
ಬಿಡಿಸಬೇಕಿಲ್ಲದ ಬಂಧನ,
ಮನದ ಗಾಯಕ್ಕೆ ಮಧುರವಾದ ಲೇಪನ.

ಪ್ರೇಮವೆಂದರೆ
ದೈವತ್ವದ ದರ್ಶನ,
ಕಂಡ ಕನಸಿನ ಸತ್ಯತೆ,
ಆಂತರ್ಯದ ಭದ್ರತೆ.

ಪ್ರೇಮವೆಂದರೆ
ನೀನು–ನಾನು,
ಹೆಸರಿನ ಹಂಗಿಲ್ಲ,
ಕಳೆದುಕೊಳ್ಳುವ ಭಯವಿಲ್ಲ.
ನಾವು ಪರಿಪೂರ್ಣರು,
ಪ್ರೇಮ ನಮ್ಮನ್ನು ತುಂಬಿಕೊಂಡಿದೆ,
ಹಂಚಲು ಮತ್ತೇನಿದೆ?

ನಿನ್ನ ರಾಧೆ ನಾನು,
ನನ್ನ ದೈವ ನೀನು,
ಪ್ರೇಮ ನಮ್ಮ ಶಕ್ತಿ —
ನಮ್ಮನ್ನು ಕಾಯುವ ದೈವ.